စာရေးဆရာဆရာဝန်များအား ဂုဏ်ပြုခြင်းနှင့်စာပေဟောပြောပွဲကျင်းပခြင်း

မြန်မာနိုင်ငံဆရာဝန်အသင်း၊ စာရေးဆရာဆရာဝန်အဖွဲ့မှ ကြီးမှူးပြီး စာပေဟောပြောပွဲ၊ နှစ်ပတ်လည် အစည်းအဝေးနှင့် စာပေဆုများရရှိခဲ့သော စာရေးဆရာဆရာဝန်များအား ဂုဏ်ပြုပွဲအခမ်းအနားကို ၂၀၁၇ ခုနှစ် ဇူလိုင်လ (၁၅) ရက်၊ မွန်းလွဲ (၁) နာရီမှ (၄) နာရီ၊ UMFCCI ခန်းမဆောင်မှာ ပြုလုပ်ကျင်းပခဲ့ပါသည်။ အခမ်းအနားတွင် စာပေဟောပြောပွဲအကြောင်းကို စာရေးဆရာ ဆရာဝန်အဖွဲ့ဥက္ကဋ္ဌ၊ ဒေါက်တာတင်တင်ဝင်း (ဂျူး) မှ ပြောကြားပြီးနောက်၊ ဒေါက်တာအောင်ကြီးမှ ဟောပြောခြင်း၊ ဒေါက်တာခင်လေးညို (မြနှောင်းညို) မှ ဟောပြောခဲ့ပါသည်။
ဟောပြောပွဲပြီးနောက် စာရေးဆရာဆရာဝန်များအား ဂုဏ်ပြုလွှာနှင့်အမှတ်တရပစ္စည်းပေးအပ်ခြင်း၊ စာပေဆုရများရရှိခဲ့ကြသော စာရေးဆရာဆရာဝန်များဖြစ်ကြသော ဒေါက်တာခင်မျိုးဟန်၊ ဒေါက်တာယုဇနစောမြင့် ဒေါက်တာဝင်းထိုက်ကြည်၊ ဒေါက်တာမြင့်သန်း (ညောင်လေးပင်) တို့အား မြန်မာနိုင်ငံဆရာဝန်အသင်း၊ စာရေးဆရာဆရာဝန်အဖွဲ့မှ ဂုဏ်ပြုလွှာနှင့် အမှတ်တရ ပစ္စည်းပေးအပ်ခြင်းနှင့် အလှူရှင်များကိုလည်း ဂုဏ်ပြုလွှာများပေးခဲ့ကြောင်း သတင်းရရှိပါသည်။